Қазақ күресі (таңғы)

Қазақ күресі – әлемнің ең ежелгі күрес өнеріне жатады.

Ерекше тартымдылығы мен танымалдығының арқасында бүгінде қазақ күресі үйірмесіне жазылып жатқан жасөсіпірім саны көп. Қазақ күресінің ерекшелігі – оның әмбебаптығында. Бұл күрес түрін меңгерген спортшы самбо, дзюдо жарыстарына еркін қатыса береді. 

Көшпелілер өнерінің жоталы бір саласы – қазақ күресінің тәрбиелік маңызы зор. 

Көрерменге асқан шабыт сыйлайтын бұл күрес өнерінің белді өкілдері Иманжүсіп, Балуан Шолақ, Қажымұқан сынды бабаларымыз күш-қуатымен бірге ақыл-парасаты, серілігімен дараланып, нағыз ұлт мақтанышына айналды. 

Балуандық өнерін белдесуден бастап, күш атасы атанған Қажымұқан Мұңайтпасұлы сонау заманның өзінде спортшылардың әлемдік элитасын бастаған бірегей тұлға. 

Осындай көрнекті өкілдері әлемді мойындатқан, тарих таразысына түсіп, ХХІ ғасырға аумай-талмай жеткен қазақ күресі әлем спортында ойып тұрып өз орнын алды.