Batyr Amanaty в Алматы

«Батыр Аманаты» — Батырхан Шөкеновтің шығармашылық мұрасына арналған алғашқы ресми трибьют-концерт.

Камералық оркестр мен Б. Байқадамов атындағы хор капелласының сүйемелдеуімен Батырхан Шөкеновтің халыққа сүйікті әндері шырқалады. Концерттік бағдарлама «Аманат» және «Отан Ана» атты екі негізгі альбомның негізінде құрылған. Жоба Батырхан Шөкеновтің музыкалық мұрасын сақтау мен кеңінен насихаттауға, сондай-ақ оның ұлттық мәдениетке қосқан елеулі үлесін дәріптеуге бағытталған.

Бір сахнада танымал қазақстандық орындаушылар өнер көрсетіп, камералық оркестрдің сүйемелдеуімен әртістің мәңгілікке айналған туындыларын тыңдарманға ұсынады.

Концертке қатысушылар: Рүстем Нұржігіт, Мадина Садуақасова, KeshYou, Hey Monro, Jeltoksan, Taspay, Әбік Жексен, KYLE RUH, Бейбіт Құшқалиев, Ілес Жалғасбек.