Naiza 67

NAIZA Алматыға оралады!

NAIZA 67 турнирі Балуан Шолақ атындағы Спорт сарайында өтеді.

Кештің басты жекпе-жегінде көптен күткен қарымта кездесу өтпекші. Жасұлан Әкімжан (11-3, 7 KO/TKO, 2 SUB) Джейсон Понеге (24-17-1, 7 KO/TKO, 5 SUB) қарсы шығады. Олардың алғашқы кездесуі NAIZA 55 турнирінде болған. “Амазон самурайы” екі жақты шешіммен жеңіске жетті. Жекпе-жектен кейін Жасұланның аурумен шығып, өзін толық көрсете алмағаны белгілі болды. Енді екеуі де толықтай дайындалып, шынайы шоу көрсетуге дайын!

Минималды салмақ дәрежесінің бұрынғы чемпионы Қазбек “Флэш” Сағын (5-0, 2 KO/TKO, 2 SUB) ең жеңіл салмаққа ауысады. Оның қарсыласы Мурилио “Шиебөрі” да Силва (13-3-1, 8 KO/TKO) болмақ. “Шиебөрі” алты жеңістен тұратын серияға ие және “Флэш” үшін жеңіл қарсылас болады деп айтуға келмейді.

Дәулет Өсербай (3-1, 1 KO/TKO, 1 SUB) темір торға оралып, өз жанкүйерлерін қуантпақ! Оның қарсыласы - қазақстандық фанаттарды ренжітуді мақсат етіп отырған, үндістандық Кахаф Абдул (1-1) болмақшы.

Сондай-ақ турнирде Асан “Борз” Сұлтанов, Хилола Собирова, Арзымат Камашов және басқа да жауынгерлер өнер көрсетеді.