Сағындым сағым жылдар!

Приобретайте билеты только на официальных сайтах - это гарантирует доступ на мероприятие.

Қазақстан республикасының еңбек сіңірген әртісі, сахна өнерінің жарқын жұлдызы Мадина Ералиеваның рухына арналған "Сағындым, сағым жылдар" атты еске алу кеші. 

Мадина Ералиева — тек дарынды әнші ғана емес еді. Ол — бір дәуірдің үні, сахнадағы тазалық пен шынайылықтың символы, ұлттық ән өнерін насихаттауға елеулы үлесін қосқан жан. Қажырлы еңбегімен, ән таңдау талғамымен өнердің биік белестерін бағындырып Қазақ халқының жүрегіне өшпестей із қалдырған ұлы тұлға. 
Ақбаян, Айқаракөз, Есіңе мені алғайсың, Сағындым сағым жылдар, Кірмеші жиі түсіме, Күрең Күз, Наз, Қайықта, Қыз сыны, Қазақы Дастарханым, Әй, әй бөпем, Әгугәй, Арал қасіреті,  әндеры көрерменнің жүрегінде мәңгі қалды. 

Бұл кеш — жай ғана ресми шара емес.
Бұл — естелікке тағзым, өнерге адалдық және әріптестік борыштың көрінісі.

Мадина Ералиевамен бір сахнада өнер көрсеткен үлкен өнер иелерінің осы кешке қатысуы — оның қазақ мәдениетіне сіңірген еңбегіне берілер ең әділ әрі шынайы құрметі болмақ.