Суретшісі: Г.Гипиков

Спектакльдің өн бойына әр беретін екі қаһарман бар: әртіс Михаил Тимофеевич және сайықмазақ Муся апай. Қалтарыс-бұлтарысы көп қуыршақ өнерінің қыр-сырына қанық әртіс, бұл өнерге атүсті қарамақ ойы бар Муся апаймен дауласып, ақыры соңында көрерменге бір спектакль көрсетпек болады. Қуыршақтармен ойнауға әбден есі кеткен Муся апай Михаил Тимофеевичтің көмекшісі болғысы келеді. Миша ағай да оған келісімін береді.

Енді сахнада қуыршақтар пайда болады. Иа, иа... сол баяғы ертегідегі кейіпкерлер. Қабықтан тұрғызылған үйшігі бар аңғал қоян, мұздан жасалған үйі еріп кеткеннен кейін қоянның үйін алдап, тартып алатын қу түлкі және түлкіні үйден қуып шығатын – ержүрек әтеш.

Михаил Тимофеевич пен Муся апайдың қылықтарын тамашалап шат-шадыман болған балалар бұлардың бойындағы үлкен әртістік қабілетті көреді. Спектакльде қанша рөлге кіріп ойнаса да, шынайы  шыққанына көріп, қуыршақ театрының әртісі болу – қуыршақты алып ербеңдете беру емес, бұған үлкен еңбек пен талант керек екенін түсінеді.

Билетов нет

Вас может заинтересовать
наверх