Тәуелсіздік толғауы

К.Әзірбаев атындағы Жамбыл облыстық филармониясының 50-жылдығына орай, филармонияның қазақ ұлт-аспаптар оркестрінің Қазақстан Республикасының Тәуелсіздігіне арналған «Тәуелсіздік толғауы» атты есептік концертінің мақсаты: Егемендігіміз орнағаннан бері, 27 жыл ішінде Мемлекетіміздің биік мәртебесін үстем ету, азаттықты сыйлаған бабалардың рухына құрмет көрсету, Елбасының «Болашаққа бағдар - Рухани жаңғыру» мақаласы – халқымызға рухани жол көрсететін нақты бағдарды насихаттау, өскелең ұрпақты ұлттық өнерге және мәдениетке баулу; қазақ композиторларының шығармаларын және халық музыкасын жастардың арасында насихаттау.

    Концерттік бағдарламада оркестр репертуары жаңарып, жаңа шығармалармен толығып, кейбір шығармалар алғаш орындалады, сондай-ақ, әлем музыка классикасының үздік жауһарларынан бастап, қазақ музыка классикасының, композиторларымыздың төл шығармалары мен жаңа заман талабына сай өңделген туындылар көрермен назарына ұсынылады.

    Өңіріміздің ұлтттық өнерінің жанашыры ретінде ел ішіндегі өнерпаздардың өсуіне қолдау танытып, халқымыздың бай қазынасы – дәстүрлі өнерді дәрiптеу мақсатында 2011 жылдың сәуір айынан бастап Жамбыл облысының әкімінің қолдауымен Жамбыл облыстық филармониясы жанынан «Қазақ ұлт аспаптар оркестрі» құрылды. Оркестрдің бас дирижеры – Халықаралық конкурстардың лауреаты –Адай  Жұмат.

      Концертке қатысушылар: «Кәусар» вокалды ансамблі, «Ақкербез» би ансамблі, ҚР Мәдениет қайраткері Е.Рысметов,  филармонияның жас таланттары – Халықаралық, Республикалық конкурстардың лауреаттары: Ә.Уашева, Д.Байзілдаев, Е.Ибаділдаев, Ә.Абдуалиева, Д.Әбілеков, Б.Муминов, А.Кушаков және т.б.